Kryeministri izraelit Benjamin Netanyahu ka thënë se kabineti i tij nuk do të takohet siç ishte planifikuar për të miratuar marrëveshjen e armëpushimit të Gazës duke fajësuar Hamasin për shkaktimin e një “krize të minutës së fundit”, njofton Al Jazeera.
Kabineti izraelit ishte caktuar të mblidhej të enjten në mëngjes për të ratifikuar marrëveshjen, me armëpushimin e planifikuar të hynte në fuqi nga e diela.
“Hamasi refuzon disa pjesë të marrëveshjes së arritur me ndërmjetësit dhe Izraelin në një përpjekje për të zhvatur lëshime të minutës së fundit”, thuhet në një deklaratë nga Netanyahu. “Kabineti izraelit nuk do të mblidhet derisa ndërmjetësit të njoftojnë Izraelin se Hamasi ka pranuar të gjitha elementet e marrëveshjes”.
Pas njoftimit të Izraelit, zyrtari i lartë i Hamasit, Izzat al-Rishek, tha në një deklaratë se grupi palestinez ishte i përkushtuar ndaj marrëveshjes së armëpushimit të shpallur nga ndërmjetësit të mërkurën.
Hamdah Salhut i Al Jazeera-s, duke raportuar nga Amani, tha se nuk kishte “asnjë lloj rrjedhjeje rreth kthimit të Hamasit” mbi atë që ata ranë dakord në marrëveshjen e armëpushimit.
“Ajo që ne po shohim më tepër është konflikti i brendshëm brenda qeverisë së Benjamin Netanyahut, veçanërisht midis Partisë së Sionizmit Fetar,” tha ajo.
Kjo është partia e ministrit të Financave Bezalel Smotrich, i cili ka kërcënuar se do të mbyllë koalicionin nëse kjo marrëveshje do të votohej, duke thënë se kjo ishte një marrëveshje e keqe për Izraelin, se partia e tij do të kishte nevojë për garanci që Izraeli do të kthehet të luftoj në mënyrë të plot … pas fazës fillestare [të marrëveshjes].
