Bërja e një ndryshimi në pozitën e fundorit e ktheu Utah Jazzin në një rrugë fituese. Asnjë ekip në NBA nuk ka pasur sukses më të madh në janar sesa Utah. Ka shënuar gjashtë fitore radhazi dhe ka rekordin më të mirë të ligës 12-2 në 14 ndeshjet e fundit. Utah nuk ka qenë në disavantazh në asnjë moment gjatë çerekut të katërt gjatë serisë së saj prej gjashtë fitoreve. Që nga mesi i dhjetorit, Utah është renditur në “top 10” të ekipeve të NBA-së për sulmin më efikas dhe ndër 15-të më të mirat në ligë për mbrojtjen më të mirë.
Një nga faktorët që ka ndikuar në heshtje në këtë rritje të Utah ka qenë loja e qëndrueshme e fundorit Kris Dunn. Utah Jazz ka bilanc 13-3 me Dunnin si startues dhe ka humbur vetëm dy herë në 14 ndeshje qëkur ai zëvendësoi Talen Horton-Tuckerin në pesëshen e parë. Dunn ka qenë shumë efektiv në këtë periudhë, duke luajtur me një mesatare prej 5.1 pikësh, 6.1 asistimeve dhe 1.5 topa të vjedhur në 22.4 minuta lojë për ndeshje. Vizioni i tij në parket dhe lidershipi kanë qenë një ndikim i qëndrueshëm për Utah Jazz me disa lojtarë të rinj në role kryesore.
“Zëri i Kris Dunn është më i spikatur tani, sepse roli i tij është i ndryshëm”, tha trajneri Will Hardy. “Kris gjithmonë ka folur shumë. Ai ka qenë gjithmonë një prani e shkëlqyer në dhomën tonë të zhveshjes dhe një prani e shkëlqyer në stërvitje me ekipin tonë. Por tani që ai po luan si startues, zëri i tij dëgjohet në një mënyrë tjetër dhe në kohë të ndryshme”.
Për 29-vjeçarin Dunn, ky edicion është një shpërblim pasi luftoi për të dëshmuar se i përkiste ende NBA-së. Minesota e zgjodhi atë si zgjedhjen e pestë të përgjithshme në draftin e NBA-së në vitin 2016. Lëndimet e munduan gjatë periudhave që i patën Chicago dhe Atlanta. Operimi i kyçit të këmbës e kufizoi në katër ndeshje me Atlantan përpara se ai transferohej te Memphis para sezonit 2021-22 dhe të hiqte dorë pasi u paraqit në një ndeshje parasezonale. Utah nënshkroi me Dunn kontratë 10-ditore një vit më parë përpara se ta shtonte atë në listën për pjesën e mbetur të sezonit. Ai shënoi mesatarisht 13.2 pikë, 5.6 asistime dhe 4.5 kërcime në 22 ndeshje. Dunn është vendosur në një rol të rehatshëm si asistues dhe mbrojtës këtë sezon.
“Unë do t’iu bëj një dëm vetes dhe skuadrës nëse përpiqem të shënoj 20 pikë në ndeshje. Unë duhet të luaj rolin tim dhe e kuptoj shumë mirë. Pra, dal në parket për të ruajtur kundërshtarët dhe shpërndarë topa”, insistoi Dunn.
E ardhmja e Dunn dukej të ishte në ragbi përpara se të kalonte në basketboll në “New London High School” në Connecticut. Kalimi në basketboll doli një vendim i mençur. Natyra këmbëngulëse e Dunn u shpagua në ringjalljen e karrierës së tij në NBA. Ai pati qëndrime me dy ekipe të ndryshme të NBA G-League përpara se të tërhiqte interesimin nga Utah Jazz.