Latifi po e kërkonte fjalën pasi Kafexhiu tha se kryetari po e injoron asamblenë komunale që nga fillimi i mandatit të ri, duke u vonuar në pauza nga 40 minuta.
“Injorimi në vazhdimësi i kryetarit të komunës që po i bën asamblesë komunale, sidomos nga ky mandat, është i paprecedentë. Kryetari po vonohet 40 minuta në pauzë. Është e paarsyeshme me ju pritë”, tha Kafexhiu.
Pas deklaratës së Kafexhiut, Latifi reagoi duke thënë se “kryetari i komunës nuk është mysafir këtu dhe pa konsultim me kryetari asnjë seancë nuk mund ta mbahet”.
Kafexhiu iu kundërpërgjigj Latifit duke i thënë se kuvendi e respekton si kryetar por i njëjti nuk mundet me u marrë me çështje të brendshme të Kuvendit.
“Kuvendi Komunal ty të respekton si kryetar i komunës por ti nuk mundesh me u marrë më çështje të brendshme të kuvendit komunal. Nuk mundësh ti më tregu kur me vazhdu seanca, kuormi ka qenë u miratua rendi i ditës dhe po e vazhdojmë seancën.. pasi të kryej fjalimin e ki fjalën”, tha ai.
Por, duke qenë se Latifi mori fjalën pa e kërkuar atë, u pengua nga kryesuesi, ndaj vendosi të çohet dhe të shkojë te foltorja për ta marrë fjalën duke e larguar Kafexhiun nga aty, pa dëshirën e tij. /teve1.info
