Udhëheqësi i opozitës izraelite, Yair Lapid, ka reaguar me ironi ndaj kritikave që kryeministri Benjamin Netanyahu i bëri kryeministrit australian Anthony Albanese, duke e cilësuar Netanyahun si “udhëheqësin më toksik politikisht në botën perëndimore”.
Përmes një postimi në platformën X, Lapid tha me shaka se Netanyahu është aq politikisht toksik sa çdo grindje me të, vetëm sa do e rriste popullaritetin e çdo lideri të botës demokratike.
“Gjëja që e forcon më shumë një udhëheqës në botën demokratike sot është një përballje me Netanyahun, udhëheqësin më toksik politikisht në botën perëndimore,” shkroi Lapid. “Nuk është e qartë pse Bibi (Netanyahu) nxitohet kaq shumë t’i japë kryeministrit australian këtë dhuratë.”
Reagimi i Lapid vjen pasi Netanyahu kritikoi publikisht Albanese për kritikat e tij ndaj luftës së Izraelit në Gaza dhe për paralajmërimi e njohjes së shtetit palestinez nga Australia – një vendim që ka shkaktuar tensione diplomatike mes dy vendeve./teve1
הדבר שהכי מחזק היום מנהיג בעולם הדמוקרטי הוא עימות עם נתניהו, המנהיג הכי רעיל פוליטית בעולם המערבי. לא ברור מדוע ביבי ממהר לתת לראש ממשלת אוסטרליה את המתנה הזו. https://t.co/XNvxGZVKDs
— יאיר לפיד – Yair Lapid (@yairlapid) August 19, 2025
