Udhëheqësi i opozitës izraelite, Yair Golan, fajësoi kryeministrin Benjamin Netanyahu dhe ministrat e qeverisë së tij të enjten për vrasjen e dy punonjësve të ambasadës në Uashington.
Në një deklaratë, Golan, kreu i Partisë Demokratike, tha se fjalimi i ministrave të qeverisë izraelite mundësoi incidentin.
Qeveria e Netanyahut “është ajo që nxit antisemitizmin dhe urrejtjen ndaj Izraelit, dhe rezultati është një izolim diplomatik i paparë dhe rrezik për çdo hebre në çdo pikë të globit”, tha ai.
Udhëheqësi i opozitës u zotua të zëvendësojë qeverinë dhe “të rivendosë sigurinë për të gjithë hebrenjtë, në Izrael dhe kudo në botë”.
Netanyahu, nga ana e tij, pretendoi se incidenti ishte “një çmim i antisemitizmit dhe nxitjes së egër kundër Izraelit”.
Ai tha se siguria do të rritet në ambasadat izraelite anembanë botës, raporton Anadoly.
Një person i armatosur hapi zjarr pranë Muzeut Hebraik të Kryeqytetit në Uashington DC, të mërkurën në mbrëmje, duke vrarë dy anëtarë të stafit të ambasadës izraelite.
Pas arrestimit të tij, personi i armatosur bërtiti “Liri për Palestinën”, sipas një videoje që u bë virale në mediat sociale.
Duke refuzuar thirrjet ndërkombëtare për armëpushim, ushtria izraelite ka ndërmarrë një ofensivë brutale kundër Gazës që nga tetori i vitit 2023, duke vrarë gati 53,700 palestinezë, shumica prej tyre gra dhe fëmijë.
