Kryeministri i Izraelit është takuar me kreun e agjencisë së inteligjencës së Egjiptit, gjeneralmajorin Hassan Rashad, në Jerusalemin Perëndimor për të diskutuar avancimin e kuadrit të mbështetur nga SHBA-të për Gazën.
Gjithashtu u diskutuan marrëdhëniet Izrael-Egjipt dhe “forcimi i paqes” midis vendeve, si dhe çështje të tjera rajonale, raportuan mediat shtetërore të Egjiptit.
Rashad udhëtoi për në Izrael për t’u takuar me figura kyçe, përfshirë të dërguarin e SHBA-së Steve Witkoff, ndërsa ushtria izraelite vazhdon të shkelë armëpushimin me Hamasin me vrasje masive dhe një bllokadë ndihmash, raporton Al Jazeera.
Ai do të diskutojë për dërgimin e ndihmave në Gaza, së bashku me pengesat e tjera me të cilat përballet zbatimi i marrëveshjes së armëpushimit.
