Në një njoftim në Facebook, Ahmeti ka shkruar se deputeti Kamberi është zë i fuqishëm në kauzën për mbrojtjen e të drejtave të shqiptarëve në Serbi.
“Jam i bindur se z. Kamberi me përvojën dhe guximin që ka, do të vazhdojë të jetë zë i fuqishëm në kauzën për mbrojtjen dhe avancimin e të drejtave të shqiptarëve në Serbi, për rëndësinë e së cilës diskutuam edhe në takimin që kishim bashkë në muajin Mars”, ka shkruar ai.
Tutje Ahmeti i ka uruar sukses deputetit Kamberi në rrugëtimin e tij si përfaqësues politik i shqiptarëve në Serbi, duke e siguruar atë për përkrahje nga ana e të gjithëve.
“Deputetit Kamberi i uroj shëndet dhe mbarësi në misionin e përfaqësimit dinjitoz politik të shqiptarëve në Serbi duke e siguruar se në këtë rrugëtim nuk është vetë, por do të ketë gjithmonë përkrahjen e të gjithë neve”, shtoi tutje ai./teve1.info/.
