Në kuadër të shënimit të 18-vjetorit të pavarësisë së Kosovës, Presidentja e Kosovës Vjosa Osmani, kryetarja e Kuvendit, Albulena Haxhiu dhe kryeministri Albin Kurti, kanë bërë nderime te Monumenti i të Pagjeturve në Sheshin Ibrahim Rugova në Prishtinë.
Ata gjithashtu kanë bërë dhe homazhe te Pllaka Përkujtimore e Fëmijëve të Vrarë në oborrin e Kuvendit te Kosovës, transmeton KosovaPress.
Përndryshe, për nder të 18-vjetorit të pavarësisë, gjatë gjithë ditës do të ketë aktivitete që shënojnë rëndësinë e kësaj dite.
