Forca të shtuara të Policisë së Kosovës u vendosën para Gjykatës Themelore të Krimeve të Rënda në Prishtinë.
Kjo për shkak se këtu vetëm pas pak pritet të mbërrij të dyshuarit për një krim që tronditi vendin nëntorin e vitit 2023.
E nga veturat e tyre, me duar e këmbë të lidhura fillimisht e zbritën Naim Murselin, të akuzuarin për vrasjen e ish bashkëshortes së tij, Liridona Ademajt.
Pas tij, në këtë formë me pranga dhe antiplumb erdhën edhe Granit Plava e Kushtrim Kokalla.
Si i akuzuar në seancën fillestare ishte edhe Tom Dodaj, nga i cili është blerë arma.
E brenda gjykatores, të pandehurit u njoftuan për veprat të cilët iu ngarkohen.
Pas kësaj, gjyqtarja i pyeti të akuzuarit për informata të përgjithshme për ta.
Në pyetjen se a është i martuar, Naim Murseli ish bashkëshorti i Liridona Ademajt u përgjigj kështu.
“Jam i ve, pasi që e kam gruan e vrarë”, ka deklaruar ai.
Pyetje pati edhe për të tre të akuzuarit e tjerë.
Pas këtij hapi, fjalën e mori prokurorja e rastit Jovorka Perlinqeviq, e cila tha se mbrojtësit e të akuzuarve me kohë i kanë marrë shkresat nga Prokuroria përveç avokatit të Tom Dedajt.
E për mos marrjen e shkresave, avokati Agron Kuqi pati një arsyetim.
E ankesa për marrjen e shkresës dhe dokumenteve të tjera pati edhe avokati i Kushtrim Kokallës, Ndrec Dodaj.
Pretendimet se nuk i ka marrë me kohë i hodhi poshtë prokurorja, ku tregoi se në emër të tij i ka marrë kolegu i tij avokati i Granit Plavës, Skënder Gojani.
Këtë e konfirmoi edhe avokati Gojani.
Pas Dodajt, shtyrje të seancës kërkoi edhe avokati i të akuzuarit Dodajt, Agron Kuqi.
Këtë qasje si jo profesionale e pa prokurorja Prenlinqeviq.
E gjatë kësaj kohe, për përplasje rreth prishjes të rendit, mosbindje ndaj gjyqtares u shqiptua gjobë për avokatin e Kushtrim Kokallës.
“500 euro gjobë”, ka deklaruar gjyqtarja e rastit, Fatime Dermaku.
Seanca e radhës ndaj Naim Murselit, Granit Plavës, Kushtrim Kokallës e Tom Dedajt u vendos të mbahet të premten më 31 janar në orën 11, për shkak që mbrojtja e të pandehurve kanë pasur ankesa për mos pajisje me shkres.
