Ish-kryetari i Kuvendit të Kosovës, Jakup Krasniqi në fjalën e tij përfundimtare në Hagë ka deklaruar se veprimet e UÇK-së dhe veprimet e tij gjatë luftës dhe pas luftës i kanë dhënë përparësi luftës, ku sipas tij kjo është dëshmuar në zëra të besueshëm.
Krasniqi ka thënë se në Dhomat e Specializuara të Hagës po qëndron padrejtësisht, duke theksuar se historia e shqiptarëve do të tregojë të vërtetën.
Duke u drejtuar gjykatësve, Krasniqi u shpreh se populli i Kosovës nuk planifikoi asnjëherë shkatërrim apo torturë, por kërkoi jetë në liri e pavarësi.
“E gjithë bota e di se NATO ndërhyri kundër krimeve të kryera ndaj shqiptarëve në Kosovë, Pa ndërhyrjen dhe mbështetjen ndërkombëtare liria jonë nuk do të ekzistonte, por pa rezistencën tonë fisnike, ajo nuk do të ishte arritur kurrë. Veprimet e UÇK-së dhe veprimet e mia si gjatë luftës ashtu edhe pas saj, në çdo rast i dhanë përparësi paqes dhe kjo është dëshmuar, zëra të besueshëm e kanë dëshmuar këtë, ne qëndrojmë sot këtu padrejtësisht, por historia do ta kuptoj pse vepruam jo vetëm faktin se jemi të akuzuar. Krimet dhe persekutimet nga forcat serbe që i formësuan atë periudhë janë të pandashme nga veprimet që ju kërkohet të gjykoni, ato nuk janë zhurmë në sfond, janë të shkruara në historinë publike me shkronja shumë të mëdha për t’u fshirë. Gjykatës të nderuar, e përsëris edhe njëherë, populli ynë kurrë nuk planifikoi shkatërrim apo torturë, ne kërkonim jetë në liri dhe pavarësi”, përfundoi ai./teve1.info/
