Në seancën që po mbahet në Kuvend, kryetari i PDK-së, Memli Krasniqi tha se Qeveria i ka lënë nxënësit pa tekste shkollore, për herë të parë pas shpalljes së pavarësisë së Kosovës.
Sipas tij, kjo është e turpshme, përcjell teve1.info
Teksa theksoi se ministrja e Arsimit, Arbërie Nagavci ka përgjegjësi penale pasi “ka shkelur ligjin”.
“Për herë të parë pas shpalljes së pavarësisë së Kosovës, kjo Qeveri i ka lënë nxënësat, fëmijët e Kosovës pa libra shkollorë. Kjo është e turpshme. Për më shumë është edhee shkelje e ligjit. Përtej përgjegjësisë politike, këta njerëz e veçanërisht kjo ministre, ka përgjegjësi penale. E kanë shkel ligjin, e kanë trefishu koston e librave duke u thirrë në kursime. Në vend se me ju kushtu 4.8 milionë, sot po i shpenzojnë 12 milionë”, deklaroi ai.
Kuvendi i Kosovës është duke mbajtur seancë të jashtëzakonshme, me ftesë të opozitës për të diskutuar për furnizimin me tekste shkollore të nxënësve për këtë vit të ri shkollor.
Pjesë e kësaj seance nuk ishin deputetët e pozitës.
Kjo seancë është thirrur nga opozitarët, për “dështimet e Qeverisë” për sigurimin e teksteve shkollore për nxënësit. /Teve1.info/
