Krasniqi ka thënë se ndër temat e diskutimit ka qenë edhe liberalizmi i vizave. Kreu i PDK-së ka thënë se ka kërkuar Viola von Cramon të vazhdojë lotimin për heqjen e vizave për kosovarët, sidomos pas rekomandimit pozitiv nga ambasadorët e BE-së.
Ai përmes një postimi në Facebook ka thënë se heqja e vizave për qytetarët e Kosovës duhet të hiqet shpejtë dhe pa kushte të reja.
“Bashkë diskutuam për zhvillimet në rajon, me theks të veçantë Kosovën dhe situatën aktuale në vend. Me këtë rast, u dakorduam për rëndësinë e miratimit së fundmi nga Parlamenti Evropian të rekomandimit për Strategjinë e Re të BE-së për Zgjerim. Duke e falënderuar për mbështetjen e deritanishme për Kosovën, eurodeputetes Cramon i kërkova që të vazhdojë avokimin konsistent të saj në përmbylljen e liberalizimit të vizave për qytetarët e Kosovës, posaçërisht tani pas rekomandimit pozitiv nga ambasadorët e vendeve të BE-së. Lëvizja e lirë e qytetarëve tanë në zonën Shengen, si e drejtë e merituar prej vitesh, duhet të jetësohet shpejt dhe pa kushte shtesë”, ka shkruar ai./teve1.info
