Përmes një postimi në Facebook, ai thotë se për herë të parë mësimdhënësit duhet ta fillojnë vitin shkollor të fyer e të lënduar.
“Jam shumë i lumtur që fëmijët po kthehen nesër në bankat e shkollës. Mirëpo, jam edhe i shqetësuar për modelin qeverisës që po instalohet. Në kohën kur nxënësit do të shkojnë kokëlartë në shkollë, Qeveria e Kosovës, përmes sulmeve të shumta, për herë të parë bëri që mësimdhënësit të fillojnë vitin shkollor kokulur, të fyer e të lënduar”, shkroi ndër tjerash ai.
Madje, ai kërkoi që me ose pa grevë kërkesat e mësimdhënësve të plotësohen sa më shpejt.
“E megjithatë, duhet ta rikujtojmë se, përtej propagandës, mësimdhënësit mbeten një ndër kategoritë më të respektuara të shoqërisë sonë. Por, ata meritojnë edhe trajtim të drejtë që e ruan dinjitetin e tyre. Prandaj, kërkesat e tyre, me apo pa grevë, duhet të adresohen dhe të plotësohen sa më shpejt”, thuhet tutje në postim.
Ndryshe, Sindikata e Bashkuar e Arsimit ka njoftuar të shtunën se me vendim të anëtarësisë greva e nisur më 25 gusht është pezulluar deri në janar të vitit 2023.
Kërkesa e tyre është që deri në miratimin e Ligjit të Pagave të marrin shtesë prej 100 eurosh në pagë./teve1.info/
