Kryetari i Partisë Demokratike të Kosovës, Memli Krasniqi, ka pritur në takim ambasadorin amerikan, Jeffrey Hovenier.
Përmes një postimi në Facebook, Krasniqi ka bërë të ditur se gjatë takimit me Hovenier, kanë diskutuar rreth zhvillimeve të fundit politike në vend.
Po ashtu, Krasniqi i ka theksuar ambasadorit amerikan se është thelbësore ruajtja dhe thellimi i partneritet të Kosovës me ShBA-të.
“Pata kënaqësinë të pres në selinë e Partisë Demokratike të Kosovës ambasadorin e Shteteve të Bashkuara të Amerikës, Jeffrey Hovenier, me të cilin diskutuam rreth zhvillimeve të fundit politike në vend. Në prag të shënimit të 16 vjetorit të Pavarësisë së Kosovës, duke vlerësuar lart mbështetjen e pakusht e të parezervë të SHBA-ve në rrugëtimin e gjatë të vendit tonë drejt lirisë, pavarësisë dhe shtetndërtimit, theksova se është thelbësore ruajtja dhe thellimi i partneritetit me SHBA-të – kryealeatin strategjik të Kosovës”, thuhet në postimin e Krasniqit.
Teksa në përfundim, Krasniqi ka shkruar se Partia Demokratike e Kosovës do të vazhdojë të angazhohet në këtë drejtim, të luaj rol konstruktiv në avancimin e raporteve të mira me Shtetet e Bashkuara të Amerikës./teve1.info/.
