Përmes një postimi në Facebook, Krasniqi theksoi se gjatë takimit kanë folur për zhvillimet aktuale politike në Kosovë, Mal të Zi dhe rajon, duke shprehur nevojën për forcim të bashkëpunimit
mes dy vendeve.
Tutje, ai tha se i ka shprehur mirënjohje Gjukanoviqit për mbështetjen e tij ndaj shtetit të Kosovës, që nga njohja e pavarësisë e deri më tash.
“Gjatë këtij takimi folëm për zhvillimet aktuale politike në Kosovë, Mal të Zi dhe rajon, duke shprehur nevojën për forcimin e bashkëpunimit bilateral mes dy shteteve, pavarësisht pozicionit tonë politik. Presidentit Gjukanoviq i shpreha mirënjohje për angazhimin e tij në mbështetje të shtetësisë së Kosovës, që nga njohja e pavarësisë së vendit tonë, atëherë si kryeministër i Malit të Zi, e deri sot. Partia Demokratike e Kosovës është përherë falënderuese për kontributin e mikut tonë nga shteti fqinj mik”, shkroi ndër tjerash Krasniqi./teve1.info/.
