Krasniqi përmes një postimi në Facebook, ka thënë se Shaip Kamberi është një patriot i guximshëm, sipas tij ai si deputet ka punuar pa ndalë për interesat e shqiptarëve në Luginë, raporton teve1.info
“Mobilizim për Shaip Kamberin! Shaip Kamberi është një patriot i guximshëm, që, si deputet, ka punuar pa ndalë për interesat e shqiptarëve në Luginë. Edhe pse ai fitoi mjaftueshëm vota edhe për një mandat të deputetit, Gjykata ka vendosur që zgjedhjet të ripërsëriten në Tërnoc”, ka shkruar Krasniqi.
Tutje, lideri i PDK-së tha se shqiptarët në Tërnoc duhet të mobilizohen që të mos lejojnë që Shaip Kamberit të ia marin mandatin nga duart.
“Shaipi është e vetmja shpresë e shqiptarëve të Luginës që të kenë një zë të fuqishëm në Kuvendin e Serbisë – e i cili nuk guxon të ndalet. Mobilizohuni dhe dilni e votoni. Për Shaipin, për shqiptarët!”, shtoi ai.
