Kryetari i Partisë Demokratike të Kosovës, Memli Krasniqi në Ditën e Evropës ka thënë sot festojnë unitetin dhe diversitetin e Bashkimit Evropian dhe vlerat të cilat ka në themelet e saj.
Krasniqi, ka thënë se shqiptarët e Kosovës e kanë dëshmuar se janë vlerë e shtuar dhe aset tejet I rëndësishëm me kontributin e tyre në shtetet e Evropës, ku jetojnë e punojnë, teksa shtoi se mërgata janë qytetarë të dalluar e të sukseshëm gjithandej BE-së, raporton teve1.info
“Sot, festojmë unitetin dhe diversitetin e Bashkimit Evropian dhe vlerat të cilat ka në themelet e saj – paqen, demokracinë dhe të drejtat e njeriut – të cilat na lidhin fuqishëm dhe pandashëm bashkë. Shqiptarët e Kosovës e kanë dëshmuar për dekada se janë vlerë e shtuar dhe aset tejet i rendësishëm – me kontributin e tyre të shquar në të gjitha shtetet e Evropës ku jetojnë dhe punojnë. Mërgata jonë janë qytetarë të dalluar dhe të suksesshëm gjithandej BE-së”, ka shkruar Krasniqi.
Krasniqi, ka përmendur edhe liberalizmin e vizave për kosovarët dhe pranimin e aplikimit për anëtarësim në Këshillin e Evropës, ku sipas tij, këto janë shenja të përafërtimit me BE-në.
“Vendimi për liberalizimin e vizave për qytetarët e Kosovës dhe pranimi i aplikimit për anëtarësim në Këshillin e Evropës – janë shenja të përafrimit tonë, por, mbi të gjitha, edhe përmbushje e premtimeve të kahmotshme që Bashkimi Evropian i kishte dhënë Kosovë”, ka thënë kreu i PDK-së.
Krasniqi uroi që sa më pare të konkretizohet marrja e statusit kandidat dhe më pas anëtarësimit të plotë të Kosovës në Bashkimin Evropian.
“Prandaj, para se gjithash, ky vit i cili shënon një pikë kthese për Kosovën dhe BE-në, uroj që të konkretizohet sa më parë me marrjen e statusit kandidat dhe më pas anëtarësimit të plotë të Kosovës në BE”, ka shkruar ai./teve1.info
