Krasniqi tha se me anëtarët e Kryesisë dhe deputetët e GP të PDK-së, kanë diskutuar për shumë tema të interesit qytetar, shtetëror e partiak.
“Zhvillimet politike në vend, rajon dhe Evropë, situata e sigurisë, kriza ekonomike, shqetësimet e qytetarëve në raport me rritjen e çmimeve të produkteve, janë tema që duhet të trajtohen seriozisht dhe me prioritet”, ka thënë Krasniqi.
Ai tha se me ta ka folur edhe për përgatitjet rreth themelimit të Kabinetit të Qeverisjes së Mirë, i cili sipas tij do të finalizohet se shpejti.
“Bashkë folëm edhe për përgatitjet rreth themelimit të Kabinetit të Qeverisjes së Mirë, i cili do të finalizohet së shpejti. Partia Demokratike e Kosovës, si liderë e opozitës në Kosovë, mbetet e përkushtuar që krahas reformave dhe angazhimit të bazuar në kompetencë, të ofrojë alternativa të mirëfillta qeverisëse e transformuese për vendin”, ka përfunduar Krasniqi. /teve1.info/
