Deputetja e LDK-së, Rrezarta Krasniqi ka thënë se pushteti aktual(LVV) gjatë kohës sa ishte në opozitë për vite të tëra ka vonuar liberalizimin e vizave për qytetarët e Kosovës.
Ajo ka thënë se ky pushtet, nëse do t’i bëj ndonjë të mirë vendit e ka një mundësi: të mos i bëj më keq.
“Lajmi i fundit mbi lejimin e hyrjes së shtetasve kosovarë në kuadër të liberalizimit të vizave, në shtetin spanjoll, shënon një zhvillim të rëndësishëm për Kosovën. Megjithatë, është e rëndësishme të theksohet se ky progres nuk mund të shihet si një arritje përfundimtare në rrugën drejt njohjes së pavarësisë së Kosovës, pasi që ende ka punë për t’u bërë, çka fatkeqësisht ka munguar gjatë periudhës së qeverisjes aktuale.
Në shtator të vitit të kaluar, në një konferencë në Madrid, pata kërkuar njohjen e shtetësisë së Republikës së Kosovës dhe heqjen e sanksioneve nga Bashkimi Evropian, të cilat për pasojë kanë shkaktuar një humbje të konsiderueshme ekonomike të vendit, me bllokimin e projekteve në vlerë prej 295 milionë eurove, për çka është fajtore kjo Qeveri e cila asnjë të mirë nuk ia solli vendit, përderisa edhe i dëmtoi marrëdhëniet e Kosovës me aleatët e saj tradicional”, ka shkruar ajo.
