MAPL në njoftimin për media ka bërë të ditur se Krasniqi me Ahmetin kanë diskutuar për projektet komunale, bashkëpunimin në mes të komunës dhe qeverisë si dhe për përmirësimin e ofrimit të shërbimeve komunale për qytetarët.
“Ministri Krasniqi dhe Kryetari Ahmeti, kanë vizituar zyrat e administratës komunale, e cila po vazhdon me ofrimin e shërbimeve pa ndalesë dhe në mënyrë të rregullt për qytetarët”, thuhet në njoftimin e MAPL.
Gjithashtu, në njoftim bëhet e ditur se Krasniqi e Ahmeti kanë vizituar disa nga projektet e financuara nga MAPL, siç janë: asfaltimi i rrugëve në Lipjan dhe Hallaq i Vogël, projekti për rregullimin e hapësirave publike dhe rregullimi i shtratit të Lumit Janjevka në lagjen e Konjuhit në Lipjan. /teve1.info/
