Krasniqi komentoi këtë pas deklaratës së sotme të zëdhënësit të BE-së Peter Stano, ku i ky i fundit është shprehur se Kosova ka refuzuar propozimin e QUNIT-it për mbajtjen e zgjedhjeve të Serbisë.
Sipas tij, faji po i lihet Kosovës dhe institucionet e BE-së po vazhdojnë ta përkëdhelin Serbinë.
“Nuk ka diçka të qartë se cila ka qenë oferta e vendeve të QUINT-it që u tregu si një ofertë konstruktive prej anës së zëdhënësit të BE-së. U përgëzu Serbia për qasje të hapur dhe i gjithë faji iu la Kosovës që refuzoi një marrëveshje. Kjo vërtetë është një qasje që nuk është e balancuar dhe po i lihet i gjithë faji Kosovës dhe po vazhdon përkëdhelja e Serbisë prej anës së institucioneve të Bashkimit Evropian. Po për mua edhe besoj për Qeverinë e Kosovës, besoj se është me rëndësi përgjigja e Shteteve të Bashkuara të Amerikës”, tha Krasniqi.
Krasniqi shtoi se Qeveria duhet të jetë në koordinim me SHBA-në dhe Britaninë e Madhe, para se të japë një përgjijge përfundimtare për të lejuar ose jo mbajtjen e zgjedhjeve serbe në vend. /Teve1.info/
