Krasniqi the se këta heronjë vunë themelet e bashkërendimit të grupeve poliotke në një front të përbashkët në rrugën e përpjekjeve të pareshtura të popullit të Kosovës për liri, shkruan teve1.info
Tutje Krasniqi, theksoi se ekzekutimi i Jusuf e Bardhosh Gërvallës dhe Kadri Zekës 41 vite më parë nga dora e shërbimit jugosllav në Gjermani ishte një ndër goditjet më të mëdha që i’u dha organizimit politik dhe ndërkombëtarizimit të çështjes së Kosovës në botën perëndimore.
“Jusuf e Bardhosh Gërvalla dhe Kadri Zeka, vunë themelet e bashkërendimit të grupeve politike në një front të përbashkët në rrugën e përpjekjeve të pareshtura të popullit te Kosovës për liri. Ekzekutimi i tyre, 41 vite më parë nga dora e shërbimit sekret jugosllav në Untergrupenbach të Gjermanisë, ishte një ndër goditjet më të mëdha që iu dha organizimit politik dhe ndërkombëtarizimit të çështjes së Kosovës në botën perëndimore”, ka shkruar Krasniqi.
Krasniqi theksoi se kjo ngjarje nuk arriti të shuante lëvizjen patriotike dhe motivin për çlirim.
“Jusuf e Bardhosh Gërvalla dhe Kadri Zeka ranë, por veprimtaria e tyre heroike u bë frymëzim për mijëra atdhetarë në brezat pasues”, shtoi ai./teve1.info
Kujtojmë se, sot janë bërë 41 vjet nga vrasja e vëllezërve Gërvalla dhe Kadri Zekës.