Ish-kryetari i Partisë Demokratike të Kosovës, Memli Krasniqi ka mbështetur protestën që pritet të mbahet me 16 tetor në Strasburg në përkrahje të ish-krerëve të UÇK.
Krasniqi përmes një postimi në Facebook tha se procesi i gjykimit në Hagë ka rënduar padrejtësisht emrin dhe sakrificën e UÇK-së.
“Aty ku nisi procesi që ka rënduar padrejtësisht mbi emrin dhe sakrificën e Ushtrisë Çlirimtare të Kosovës, aty do të ngrihet zëri i shqiptarëve për drejtësi dhe dinjitet”, ka shkruar ai.
Ai ka ftuar të gjithë qytetarët të marrin pjesë, në thirrje të përbashkët për drejtësi.
“Ftojmë të gjithë qytetarët, miqtë e Kosovës dhe mërgatën tonë kudo që është, të bashkohen në këtë thirrje të përbashkët për drejtësi dhe për lirinë e çlirimtarëve tanë”, ka shkruar ai tutje. /teve1.info/
