Në seancën që po mbahet në Kuvend, kryetari i PDK-së, Memli Krasniqi tha se ministrja e Tregtisë, Rozeta Hajdari është dashur të shkarkohej para ish-kryeshefit ekzekutiv të KEK-ut, Nagip Krasniqi.
Sipas tij, Hajdari se ka vendin në Kuvend, pasi është e dënuar për mosdeklarim të pasurisë, përcjell teve1.info
“Pa asnjë paragjykim personal, kjo ministre se ka vendin këtu, kjo u dasht me u shkarku para Nagipit. Kjo është e dënume me Ligjin për parandalim të konflikt interesit, për mosdeklarim të pasurisë, për fshehje të pasurisë. Ka dënim të plotfuqishëm. O qytetarë të nderum, keni ministra të dënum për fshehje të pasurisë, që dalin na mbajnë ders këtu me na kallxu diçka, qysh i paska shkarku ata tjerët. O mirë që i keni shkarku…bravo…”, deklaroi ai.
Kuvendi i Kosovës është duke mbajtur sot seancë të jashtëzakonshme lidhur me arrestimin e kryeshefit të Korporatës Energjetike të Kosovës, Nagip Krasniqi.
Kjo seancë është iniciuar nga Partia Demokratike e Kosovës, me 40 nënshkrime të deputetëve të të gjitha partive opozitare në vend. /Teve1.info/
