Ministri i Administrimit të Pushtetit Lokal, Elbert Krasniqi i ka bërë thirrje komunave që të raportojnë në sistemin e performancës për vitin 2023.
Ai tha se është duke u diskutuar me anëtarët e komisionit për plotësim–ndryshim të ligjit dhe të parashihen masa penalizuese për komunat që nuk raportojnë.
Krasniqi tha se raportimi është obligim ligjor, pavarësisht nëse kualifikohet apo jo në Grantin e Performancës, shkruan teve1.info
“Me datën 9 shkurt mbajtëm ceremoninë e Grantit të Performancës ku nënshkruam marrëveshje në vlerë prej 8.3 milionë euro me 11 komunat përfituese. Në sistem është hapur thirrja që komunat të raportojnë në sistemin e performancave të vitit 2023. I ftojë komunat që të raportojnë dhe duhet të kemi parasysh në veçanti që komunat të cilat nuk raportojnë që raportimi është obligim ligjor, pavarësisht nëse ajo komunë kualifikohet për Grantin e Performancës ose jo.
Për këto dy vite paraprake janë këto komuna të cilat nuk kanë raportuar në sistemin e performancës. Në vitin 2021, Skenderaj ndërsa në vitin 2022 është njëra ndër komunat përfituese me mbi një milion euro. Në vitin 2022 Ferizaj, Shtërpca, Novobërda, Kllokoti dhe katër komunat e veriut të vendit. Jam duke diskutuar me anëtarët e komisionit parlamentar përkatës që të bëhet plotësim ndryshimi i ligjit dhe të shihen masat penalizuese për komunat të cilat nuk raportojnë në sistem”, ka deklaruar ai në takimin me kryetarët e komunave./teve1.info
