Kryetari i Partisë Demokratike të Kosovës, Memli Krasniqi, ka akuzuar qeverinë aktuale se ka rrezikuar edhe të arriturat që janë bërë në të kaluarën, për të cilët tha se nuk bënë asgjë në 4 vjet qeverisje.
Ai këto i ka thënë në një tubim elektoral në Ferizaj.
“Nuk mund ta mohojmë e as t’i mbyllim sytë përballë një qeverisje të dështuar që kemi pasur në Kosovë në 4 vitet e fundit. Përballë një grupi burracakësh e jokompetent të cilët jo vetëm që nuk kanë bërë asgjë të mirë për vendin dhe qytetarët, por e kanë rrezikuar edhe ato të arritura që ne kemi bërë”, tha Krasniqi.
Ai duke folur për punën që ka bërë kryetari i kësaj komune Agim Aliu, ku tha se është shembull i qeverisjes së mirë dhe se transformimi që ka ndodhur në këtë qytet nga 9 shkurti do të fillojë në gjithë Kosovën.
“Rrugët, nënkalimet, parqet, shkollat, bizneset që rritën e zhvillohen. Ky qytet është shembull i suksesit. Po ky sukses nuk ka ndodhur rastësisht, ka ndodhur falë misionit tonë, përkushtimit të madh dhe përpjekjes së pandalshme për ma mirë. Ky transformim, pas 9 shkurtit do të fillojë të ndodhë në krejt Kosovën. Me Bedri Hamzën si kryeministër, ky vizion nuk është vetëm i mundshëm, por i pashmangshëm, sepse bashkë Kosova mundet më mirë”, tha Krasniqi./teve1.info/
