Ministri në detyrë i Administrimit të Pushtetit Lokal, Elbert Krasniqi ka bërë homazhe te varri i dëshmorit Xhevdet Hoti në Ditën memoriale të komunitetit egjiptian.
Krasniqi ka thënë se në këtë ditë kujton ata që dhanë kontributin në secilën etapë të shtetit të Kosovës.
Derisa, ai tha se këto data ripërshkruajnë rrugën që ka kaluar Kosova.
“Ka data që nuk janë vetëm numra në kalendar, por janë tregues që na ripërshkruajnë rrugën që kemi kaluar, janë pikërisht këto data që na mbushin me kurajo e na bëjnë fort krenar! Në këtë ditë kujtojmë ata që dhanë kontributin më të madh në secilën etapë të shtetit tonë! Ata që dhanë gjithçka si dëshmori Xhevdet Hoti, tek i cili me bashkëpuntorë bëmë homazhe për të ndëruar veprën e tij. 24 Qershori është ditë e reflektimit ndaj të kaluarës dhe datë e vizionit për të ardhmen. Andaj mos kërkoni për ditën memoriale duartrokitje, por mirëkuptim. Sepse jemi hisedarë në historinë e shtetit tonë, dhe jemi po aq krenar për përkatësinë etnike e cila na bënë të barabartë me të gjithë ata të cilët janë ndryshe nga ne”, ka shkruar Krasniqi./teve1.info/
