Kryetari i PDK-së, Memli Krasniqi po qëndron në një vizitë zyrtare në Bruksel, me ç’rast ka marrë pjesë në tryezën për Ballkanin Perëndimor, të organizuar nga grupi politik liberal i Parlamentit Evropian, Renew Europe.
Në një postim në Facebook, Krasniqi është shprehur se është e rëndësishme që Kosova dhe Serbia të arrijnë një marrëveshje përfundimtare, e cila e ka njohjen e ndërsjellë në qendër, përcjell teve1.info
Ai bën të ditur se gjatë takimit, ka ritheksura se BE-ja duhet t’i heq sa më parë masat e padrejta ndaj Kosovës.
“Pata kënaqësinë që, në margjinat e takimit, të diskutoj dhe të shkëmbej qëndrime të vlefshme me Ilhan Kyuchyuk, Bashkë-presidentin e ALDE, Stéphane Séjourné, President i Reneë Europe dhe Janez Lenarçiç, Komisionerin Evropian për Menaxhimin e Krizave. Paqja, siguria dhe stabiliteti rajonal janë interes i përbashkët i Kosovës dhe BE-së. Në këtë proces, është tejet e rëndësishme që Kosova dhe Serbia të arrijnë një marrëveshje përfundimtare, me njohjen e ndërsjellë në qendër. Po ashtu, ritheksova qëndrimin se BE duhet të heqë sa më parë masat e padrejta ndaj Kosovës. PDK është mirënjohëse ndaj aleatëve ndërkombëtarë për mbështetjen e vazhdueshme ndaj shtetit tonë”, ka shkruar ai. /Teve1.info/
