Krasniqi tha se Ukshin Hoti ishte intelektual i pazëvendësueshëm, që me zë, shkrime e vepra artikuloi idenë dhe punoi për çlirimin dhe pavarësinë e Kosovës, shkruan teve1.info
“Sot, bëhen 23 vjet nga zhdukja e profesorit e veprimtarit të shquar të çështjes kombëtare, Ukshin Hoti. Porfesor Ukshini ishte intelektuali i pazëvendësueshëm që, me zë, shkrime e vepra artikuloi idenë dhe punoi parreshtur për çlirimin dhe pavarësinë e Kosovës. Me guximin e tij politik, Ukshin Hoti frymëzoi shumë breza intelektualësh e patriotësh shqiptarë”, ka shkruar Krasniqi.
Krasniqi tutje tha se për zbardhjen e fatit të Ukshin Hotit dhe të shumë qytetarëve të tjerë që ende janë të zhdukur, populli e shteti i Kosovës nuk do të ndalet asnjëherë së kërkuari informata e drejtësi, e mbi të gjitha përgjegjësi.
