Ministri në detyrë i Administrimit dhe Pushtetit Lokal, Elbert Krasniqi ka thënë se në disa hapësira publike, në komunat veriore, pastrimi i të cilave po bëhet sot ka pasur thirrje kundër rendit Kushtetues të Kosovës.
Ai ka thënë se Kosova është vend demokratik dhe me orientim properëndimor dhe gjëra të tilla nuk do të tolerohen.
“Disa nga pastrimet e bëra kanë të bëjnë me mesazhe që bëjnë thirrje për cenimin e rendit juridik dhe kushtetues të Republikës sonë siç është thirrja “Kad se vojska vrati” si dhe nga figurat si Ratko Mladiq, që është tashmë edhe i dënuar për gjenocid në luftërat në Ballkanin Perëndimor.
Republika e Kosovës është vend demokratik, me orientim të qartë perëndimor, dhe si e tillë nuk do të lejojë mesazhe të tilla që nxisin përçarje dhe mosdurim mes komuniteteve tona”, ka shkruar ai në Facebook.
Zveçani me aksion për fshirjen e shkrimeve nacionaliste serbe
