Memli Krasniqi ka vlerësuar listën e kandidatëve për deputetë të Partia Demokratike e Kosovës, duke thënë se ajo përfshin profile të ndryshme profesionale dhe shoqërore.
Ish-kryetari i PDK-së, i cili ka vendosur të mos garojë për deputet edhe në këto zgjedhje, theksoi se vendi ka nevojë për njerëz që dinë të punojnë, të bashkëpunojnë dhe të marrin përgjegjësi.
“Kosova, sot ka shumë nevojë për njerëz që dinë të punojnë, të bashkëpunojnë dhe të mbajnë përgjegjësi. Prandaj, në listën e Partisë Demokratike të Kosovës, përveç se mbi 50% janë kandidatë që garojnë për herë të parë, ka profile nga më të ndryshmet, që përfaqësojnë të gjitha shtresat e shoqërisë: profesionistë, të rinj, pensionistë, çlirimtarë, mërgimtarë dhe kandidatë me përvojë, por me një bindje të përbashkët: se ky vend meriton dhe mundet më shumë dhe më mirë”, ka shkruar ai.
Tutje, Krasniqi u ka uruar suksese të gjithë kandidatëve që janë pjesë e listës së PDK-së.
“Suksese secilit kandidat dhe kandidate që garon në listën tonë”, shkroi ai.
