Përmes një postimi në Facebook, Krasniqi ka thënë se Qeveria kurti është pa projekte zhvillimore e nuk ka asnjë ide për të ardhmen.
“Bashkë me kolegë të Partisë Demokratike të Kosovës takuam strukturat e Degës në Vushtrri, qytetin të cilit Ferit Idrizi ka nisur t’i jap vëmendjen që meriton, përkundër mungesës së mbështetjes nga niveli Qendror. Megjithatë, sfidat nëpër të cilat po kalojmë si shoqëri, tejkalojnë kufijtë lokal. Sot, e gjitha Kosova po vuan nga një qeverisje depresive, pa projekte zhvillimore e asnjë ide për të ardhmen”, ka shkruar ai.
Sipas tij, sot është rritur edhe urgjenca e veprimit, kur ambasadat janë plotë aplikime e pushteti plotë me skandale.
“Prandaj, sot është rritur edhe urgjenca e veprimit, kur ambasadat janë plotë aplikime, pushteti plotë me skandale, izolimi i pathyeshëm, ekonomia pa perspektivë, çmimet në rritje e energjia e keqmenaxhuar. Për këtë arsye, në diskutim me strukturat e PDK-së biseduam për më shumë angazhim politik e qytetar dhe ky është vetëm fillimi i një maratone, ku në synimin për të ndihmuar shtetin dhe qytetarët, ne do të japim gjithçka nga vetja”, ka përfunduar i pari i PDK-së, Memli Krasniqi. /teve1.info/
