Kryetari i Partisë Demokratike të Kosovës, Memli Krasniqi deklaroi se nuk është ndjerë asnjëherë i kërcënuar.
Sipas tij, ka qenë vendim i organeve të sigurisë për t’ia ofruar atij mbrojtjen e afërt.
Derisa tha se këto kërcënime ndërlidhen me situatën e tensionuar në veriun e vendit.
“Nuk jam as jam ndjerë kurrë i kërcënuar edhe kur na kanë rrjedhë informacione, ose publikuar informacione për kërcënime me vrasje, siç i dini para pak muajsh. Por ka qenë vlerësimi i organeve të sigurisë, në këtë rast Policisë së Kosovës, unë besoj edhe me organet tjera të ndërlidhura e ndërvarura që të na ofrojnë mbrojtjen e afërt për arsye që unë besoj që ata do të duhej ata t’i tregojnë, por që ndërlidhen me zhvillimet dhe me situatën e tensionuar të përkeqësuar pas sulmeve në veriun e vendit”, tha Krasniqi pas takimit me të dërguarin e posaçëm të Bashkimit Evropian, Miroslav Lajçak.
Ndryshe një vendim i tillë gjatë ditës së djeshme është marrë edhe për kryetarin e LDK-së, Lumir Abdixhiku./teve1.info./
