Ministri i Administrimit dhe Pushtetit Lokal, Elbert Krasnqi, ka reaguar lidhur me vërshimet në Pejë gjatë së shtunës, ku për pasojë humbin jetën dy persona.
Krasniqi ka thënë se nga fillimi i reshjeve është në komunikim dhe koordinim të vazhdueshëm me kryetarin e Pejës, Gazmend Muhaxherin, ministrin e Punëve të Brendshme, Xhelal Sveçla dhe me ministrin e Mbrojtjes, Armend Mehaj, në mënyrë që t’i dalin në ndihmë qytetarëve dhe komunës.
Ministri shprehi ngushëllime për familjarët, ndërsa për të lënduarit ka uruar shërim dhe rikuperim të shpejtë.
“I shqetësuar dhe tronditur me situatën e vërshimeve në Pejë, ku si pasojë e tyre humbën jetën dy qytetarë tanë, një fëmijë dhe nëna e tij. Familjarëve të cilët humbën më të dashurit e tyre, ju shprehi ngushëllime, të lënduarve shërim dhe rikuperim të shpejtë dhe shpresojë që situata të tilla mos të përsëritën më”, ka shkruar Krasniqi në Faebook./teve1.info/
