Kryetari i PDK-së, Memli Krasniqi, ka shkruar se prapa secilit prej të zhdukurve, qëndrojnë familjet që mbi dy dekada jetojnë me dhembjen dhe ankthin e mosnjohjes së të vërtetës për ta.
Këto komente Krasniqi i ka bërë me rastin e Ditës Ndërkombëtare të Personave të Zhdukur.
Ai ka shtuar se institucionet ndërkombëtare duhet të shtojnë presionin mbi Serbinë për hapjen e arkivave.
“Institucionet e vendit duhet të angazhohen më shumë për zgjidhjen e fatit të të gjithë personave të zhdukur, si dhe institucionet ndërkombëtare duhet të shtojnë presionin mbi Serbinë për hapjen e arkivave, si dhe sa më shpejtë të vënë para drejtësisë kriminelët e luftës që kanë qenë përgjegjës për zhdukjen e tyre”, ka shkruar Krasniqi.
