Kryetari i PDK-së, Memli Krasniqi ka zhvilluar një takim me shefen e UNMIK-ut në Kosovë, Caroline Ziadeh.
Krasniqi ka shkruar se asaj ia ka shprehur rezervat rreth propozimit evropian.
“…E cila, sipas nesh, është e pamjaftueshme dhe mundësi e humbur për një marrëveshje finale, gjithëpërfshirëse dhe ligjërisht e ndërkombëtarisht të obligueshme”, ka shkruar Krasniqi.
Lideri i PDK-së atë e ka quajtur një marrëveshje që nuk i realizon qëllimet shtetërore të Kosovës.
“Sot, për fat të keq, kemi përpara një transformim të marrëveshjes së paralajmëruar dhe kërkuar nga ne dhe partnerët ndërkombëtarë për vite me radhë, nga një marrëveshje finale me njohjen e ndërsjellë në qendër, në marrëveshje të përkohshme me asociacionin në qendër”, ka shkruar tutje Krasniqi.
