Ministri në detyrë, Elbert Krasniqi ka thënë se Grupi parlamentar i komuniteteve do ta votojnë kryetarin e Kuvendit dhe Qeverinë Kurti3.
Krasniqi ka thënë se Kurti i ka fituar zgjedhjet dhe e ka shumicën e shqiptarëve dhe ata duhet ta respektojnë këtë gjë.
“Ne jemi grupi parlamentar i komuniteteve. Jemi shtatë deputetë aktualisht. Ne jemi për votimin e kryetarit të kuvendit dhe qeverisë. Jemi për qeverinë Kurti sepse e ka shumicën. Vlerësoj se 42.3 për qind janë shumica e qytetarëve që kanë votu për kryeministrin, për mu këtu është vullneti i shumicës. Ne duhet ta respektojmë këtë. Ne jemi shtatë deputetë në grup dhe jemi forcë e rëndësishme në qeverinë e ardhme”, tha Krasniqi para gazetarëvë pas regjistrimit të tyre si deputetë në Kuvendin e Kosovës.
