Përmes një njoftimi për media nga MAPL kanë bërë të ditur se Krasniqi, vizitën zyrtare në Izrael e ka filluar duke u pritur në takim nga Ministri për Bashkëpunim Regjional, Esaëi Frej.
“Gjatë këtij takimi, Ministri Krasniqi dhe Ministri Frej diskutuan për bashkëpunimit në mes të dy vendeve, raportet e shkëlqyera në mes të Republikës së Kosovës dhe Shtetit të Izraelit si dhe mundësitë për thellimin e bashkëpunimit në fushën e zhvillimit ekonomik lokal dhe qeverisjes lokale”, thuhet në njoftim.
Krasniqi, e ka falënderuar Ministrin Frej për ndihmën e Shtetit të Izraelit dhënë për popullin e Kosovës duke shprehur mirënjohjen e thellë dhe gatishmërinë për të fuqizuar marrëdhëniet bilaterale.
Gjithashtu, në kuadër të kësaj vizite Ministri Krasniqi, ka vizituar Qendrën Përkujtimore të Holokaustit, në nderim të viktimave të gjenocidit famëkeq të shekullit XX. /teve1.info/
