Kryetari i PDK-së, Memli Krasniqi ka përkujtuar policin Enver Zymberi, në 12-vjetorin e vdekjes së tij.
Përmes një postimi në Facebook, Krasniqi theksoi se Zymberi është shpallur me të drejtë “Hero i Kosovës”, përcjell teve1.info
Ai potencoi se vepra e Zymberit do të kujtohet ndër breza si shembull i profesionalizmit.
“Enver Zymberi nuk ishte aksidentalisht polic. Për të, uniforma e policisë ishte vetëm mënyra e tij për t’i shërbyer Kosovës me nder e krenari – gjë të cilën e bëri deri në frymën e fundit. Andaj, sot, në këtë Ditë Memoriale, kujtojmë dhe nderojmë jetën dhe veprën e Heroit tonë Enver Zymberi dhe të gjithë Policëve të Rënë në Detyrë. Lavdi e përjetshme!”, ka shkruar Krasniqi.
Enver Zymberi ishte vrarë më 26 korrik të vitit 2011, në një aksion që Policia e Kosovës e kishte ndërmarrë në veri të Mitrovicës. /Teve1.info/