Gjermania ka njoftuar të hënën se ka larguar kufizimet në eksportin e armëve ndaj Izraelit, duke cituar një “armëpushim stabil” në Gaza dhe progresin diplomatik në regjion.
Vendimi do të vjen në efekt më 24 nëntor dhe kthen shqyrtimin rast pas rasti të secilit aplikim nga Izraeli, ka thënë zëdhënësi i qeverisë Stefan Kornelius për agjencinë gjermane të lajmeve DPA.
Kancelari gjerman, Friedrich Merz urdhëroi kufizimet më 8 gusht, duke ndaluar miratimin e eksporteve të armëve që mund të përdoren në luftën e Gazës.
Eksportet e armëve të Gjermanisë në Izrael kanë qenë prej kohësh të diskutueshme dhe objekt i sfidave ligjore nga grupet e të drejtave të njeriut dhe banorët e Gazës.
Qendra Evropiane për të Drejtat Kushtetuese dhe të Njeriut (ECCHR), e cila mbështeti paditësit në veprimet e tyre ligjore, ka thënë vazhdimisht se autorizimi i Berlinit për eksportet e armëve në Izrael shkeli marrëveshjet ndërkombëtare që Gjermania nënshkroi, përfshirë Konventën e Gjenevës për parandalimin dhe ndëshkimin e krimit të gjenocidit.
