Kryetari i Lidhjes Demokratike të Kosovës, Memli Krasniqi dhe ai i LDK-së, Lumir Abdixhiku dhe ai i AAK-së, Ramush Haradinaj kanë kërkuar nga Përfaqësuesja e Lartë e BE-së për Politikë të Jashtme dhe Siguri, Kaja Kallas angazhim të saj në heqjen e masave ndaj Kosovës.
Ata kanë thënë se masat po dëmtojnë qytetarët e Kosovës dhe se heqja e tyre do të ishte një shenjë për ta ardhmen evropiane të Kosovës.
“Kallas e njoftova se PDK ka dhënë dhe mbetet gjithmonë e gatshme të japë kontributin e saj në zgjidhjen e krizës aktuale politike, si dhe në mbrojtjen e interesit qytetar dhe shtetëror. Në takim kërkova edhe angazhimin e saj për heqjen sa më të shpejtë të masave ndëshkuese ndaj Kosovës, si një shenjë konkrete për të ardhmen evropiane të vendit tonë dhe për avancimin e marrëdhënieve Kosovë – BE”, ka shkruar Krasniqi në Facebook.
Kryetari i LDK-së, Lumir Abdixhiku ka thënë se heqja e masave ndaj Kosovës është domosdoshmëri, ndërsa ka bërë të ditur se është disktuar edhe për aktualitetin politik.
“I shpreha qëndrimet e LDK-së mbi domosdoshmërinë e heqjes së masave ndaj Republikës së Kosovës. Këto masa më shumë se një qeveri, dëmtojnë vet popullin e Kosovës. I shtrova dhe pikëpamjet tona mbi procesin e dialogut dhe të ardhmen që na pret. E njoftova mbi krizën aktuale politike në vend dhe propozimin e LDK-së për qeverinë gjithëpërfshirëse si ide e vetme funksionale sot”, ka shkruar Kallas.
Haradinaj duke vlerësuar rolin e Kallas dhe BE-së në sukseset e Kosovës, ka thënë se heqja e masave ndaj Kosovës është urgjente.
“Theksova nevojën urgjente për heqjen e sanksioneve ndaj Kosovës dhe njëkohësisht nënvizova rëndësinë e mbështetjes së vazhdueshme nga Bashkimi Evropian në rrugëtimin tonë dejt integrimit”, ka shkruar Haradinaj
