Kryetari i Partisë Demokratike të Kosovës, Memli Krasniqi ka reaguar pasi Vetëvendosje nuk e votoi propozimin e opozitës për rezolutë në mbështetje të minatorëve në Trepçë dhe Policinë e Kosovës.
Krasniqi në Facebook tha se deputetët e shumicës parlamentare me të ardhura mujore afër 2 mijë euro, sot votuan kundër minatorëve dhe policëve të vendit të cilët sipas tij, çdo ditë rrezikojnë shëndetin dhe jetën e tyre për shtetin e Kosovës.
Derisa tha se këta deputetë nuk përfaqësojnë më askënd dhe asgjë, përveçse interesat dhe përfitimet e tyre personale.
“Deputetët e shumicës parlamentare, me të ardhura mujore afër 2 mijë euro, sot votuan kundër minatorëve dhe policëve të vendit të vet, të cilët çdo ditë rrezikojnë shëndetin dhe jetën e tyre për shtetin e Kosovës. A ka ku shkon më poshtë? Ky Kuvend e ka humbur çdo kuptim për çka është i thirrur. Këta deputetë nuk përfaqësojnë më askënd dhe asgjë, përveçse interesat dhe përfitimet e tyre personale. Çfarë turpi!”, tha Krasniqi.
Ndryshe, mocionet e opozitës që sot të diskutohet për grevën e minatorëve të Trepçës dhe për kërkesat e policisë nuk ka kaluar në Kuvend.
Kjo ka bërë që opozita ta lëshojë sallën./teve1.info./
Opozita kërkon rezolutë që mbështet kërkesat e minatorëve të Trepçës
