Kryetari i Partisë Demokratike të Kosovës, Memli Krasniqi, ka deklaruar pasurinë e tij për vitin e kaluar, në Agjencinë Kundër Korrupsionit.
Krasniqi, si pasuri të paluajtshme ka deklaruar një banesë me vlerë 120 mijë, të cilën thotë se e ka ndërruar me banesën paraprake.
Gjithashtu, një shtëpi të përbashkët me bashkëshorten, e cila ka vlerën 180 mijë euro. Shtëpia, sipas deklarimit të Krasniqit, është blerë me kredi, kursime dhe kontribut familjar.
Pasuri të luajtshme e ka deklaruar një veturë të në emër të bashkëshortes, të cilën thotë se e ka blerë me kredi. Vetura kap vlerën e 21 mijë eurove. Gjithashtu, ka deklaruar një bibliotekë (14 mijë euro) dhe një vepër arti (8 mijë euro), që janë në pronësi të përbashkët.
Krasniqi i ka deklaruar edhe një numër të madh kriptovalutash. Ka Bitcoin që vlerën aktuale e posedon 65 mijë euro, Ether me vlerë 3.300 euro, Binance Coin me 560 euro e të tjera kriptovaluta me vlerë modeste. Krasniqi posedon edhe NFT (non-fungible toke).
Si para të gatshme në bankë, Krasniqi ka deklaruar se i ka 3.394.37 euro. Bashkëshortja e tij ka 32.657.32 euro në bankë.
Krasiqi ka deklaruar se është në kredi prej 65 mijë eurosh për blerjen e shtëpisë. 30 mijë euro të tjera kredi, kryetari i PDK-së i ka deklaruar për rinovimin e shtëpisë.
Të ardhurat vjetore të Krasniqit janë afro 19 mijë euro nga Kuvendi i Kosovës.
Si kryetar i PDK-së, nuk merr para. Bashkëshortja e tij ndërkohë ka afro mbi 15 mijë euro të ardhura vjetore.
Si trashëgimi të pronës familjare, kryetari i partisë kryesore opozitare ka deklaruar 50 mijë euro.
Pasurinë me më shumë detaje të Krasniqit mund ta mësoni duke klikuar këtu.
