Kryetar i Partisë Demokratike të Kosovës, Memli Krasniqi ka deklaruar pasurinë për vitin 2022, sipas publikimeve të deklarimeve të pasurisë të premten nga Agjencia Kundër Korrupsionit.
Krasniqi ka deklaruar një banesë me vlerë 120 mijë, të cilën thotë se e ka ndërruar me banesën paraprake.
Ai po ashtu ka një shtëpi të përbashkët me bashkëshorten, e cila ka vlerën 180 mijë euro. Shtëpia, sipas deklarimit të Krasniqit, është blerë me kredi, kursime dhe kontribut familjar.
Kryetari i PDK-së posedon edhe numër të madh kriptovalutash: Bitcoin në vlerë 26 mijë euro, Ether në vlerë 1.650 euro, e të tjera.
Kreu i PDK-së ka deklaruar se posedon edhe NFT (non-fungible token), si vijon: FancyBears Metaverse x4, Bad Bears Genesis x2, Etheral Apes x2, Laid Back Llamas x1, Tubby Cats x1, Genzee x1, Bricktopians x1, Imnium x2, Yat x1, Shiba Punks x1, World of Yamaloka x4.
Krasniqi ka deklaruar një veturë të tipit Volksëagen në vlerë 22 mijë euro në emër të bashkëshortes.
Ai ka deklaruar rreth 3 mijë euro para në bankë.
Por, Krasniqi ka deklaruar se është në kredi prej 65 mijë eurosh për blerjen e shtëpisë si dhe 30 mijë euro të tjera kredi për rinovimin e shtëpisë.
KËTU mund ta shihni pasurinë e Krasniqit.
