Komisioni Qendror i Zgjedhjeve ka njoftuar qytetarët me të drejtë vote për qendrën e votimit në zgjedhjet e 23 prillit që do të mbahen në veri të Mitrovicës.
Zgjedhjet do të mbahen në katër komunat me shumicë serbe, Mitrocisë e Veriut, Zveçan, Leposaviq dhe Zbubin Potok.
KQZ ka bërë të ditur që përmes makinës kërkuese qytetarët mund ta gjejnë qendrën e votimit.
“Procedura për këtë qëllim është e thjeshtë, duke shënuar vetëm numrin personal të identifikimit në makinën kërkuese që është vendosur në ueb faqen e KQZ-së në hapësirën Gjej qendrën tuaj të votimit, apo në vegzën direkte: https://eomp.kqz-ks.org/”, thuhet në njoftimin e KQZ-së.
Tutje, thuhet se në këtë makinë kërkuese janë përditësuar të dhënat e listës votuese në përputhje me vendimin e KQZ-së, për miratimin e listës së qendrave të votimit dhe lokacionet e tyre, të datës 14 prill 2023.
“Sipas këtij vendimi, numri i përgjithshëm i qendrave të votimit në këto katër komuna është 19 me gjithsej 34 vendvotime, prej tyre 6 janë qendra votimi të rregullta me gjithsej 6 vendvotime, ndërsa 13 qendra të tjera votimi janë alternative me gjithsej 28 vendvotime”. /teve1.info/
