Komisioni Qendror i Zgjedhjeve ka certifikuar Listën Votuese për Zgjedhjet Lokale për Kryetarë të Komunave dhe për Kuvende Komunale, të cilat do të mbahen më 12 tetor 2025, sipas listës, numri i përgjithshëm i qytetarëve me të drejtë vote në këto zgjedhje është 2,069,098 votues.
Sipas të dhënave nga lista votuese, numri i qytetarëve me të drejtë vote në vendvotime, në Kosovë është 2,025,105 votues, ndërkaq numri i qytetarëve që janë regjistruar për të votuar me postë nga jashtë Kosovës është 43,993 votues.
Procesi zgjedhor në Kosovë, do të organizohet në 938 Qendra të Votimit me gjithsej 2,625 vendvotime, prej të cilave 910 Qendra të Votimit për votimin e rregullt me 2,571 vendvotime dhe 38 Qendra të Votimit për votimin me kusht me gjithsej 54 vendvotime.
Në këtë mbledhje, KQZ ka miratuar përmbajtjen dhe dizajnin e fletëvotimeve për çdo komunë për Zgjedhjet Lokale 2025./teve1.info/
