Këshilli Prokurorial i Kosovës gjatë mbledhjes së mbajtur sot ka marrë vendim për hapjen e konkursit për rekrutimin e prokurorëve të rinjë të shtetit.
Konkursi do të jetë i hapur për 15 ditë, duke filluar nga 17 gushti.
Antari Dardan Vuniqi gjatë prezantimit të analizës tha së se janë 177 prokurorë, 34 prej tyre janë pozita të lira.
“Neve obligohemi të ndërmarrim veprime për ritjen e përfaqësimit të komunitetit serb në sistem. Komisioni rekomandon 10 vende për komunitetin serb, 24 pozita të lira për pjesën tjetër”, tha Vuniqi.
Ndërkaq, kryesuesi Arian Gashi tha se është me interes të Kosovës përfaqësimi i komuniteteve dhe krahas kësaj, është edhe obligim ligjor si rezultat i dialogut me shtetin fqinj, ku është marrë obligim bazuar në marrrëveshje.
Propozimi për shpalljen e konkursit për rekrutimin e prokurorëve të rinj u miratua me shtatë vota për.
Më pas, u miratua edhe Komisioni për rekrutim me këtë përbërje: Arian Gashi- kryetar, Dardan Vuniqi dhe Elza Bajrami-Kastrati- anëtarë nga Këshilli Prokurorial, Bahri Hyseni- anëtar nga Zyra e Kryeprokurorit të Shtetit, Valdrin Krasniqi- anëtar nga radhët e prokurorëve, si dhe Milor Krasniqi dhe Visar Krasniqi- anëtarë rezervë nga KPK.
