Këshilli Prokurorial i Kosovës ka miratuar të hënën kërkesën për buxhet shtesë në vlerë prej 11 milione e 142 mijë euro nga Kuvendi i Kosovës, për vitin 2027.
Derisa buxheti i planifikuar për vitin 2027 ishte mbi 21 milionë euro, zëvendëskryesuesi i KPK-së, Dardan Vuniqi, tha se planifikimi i buxhetit është i pamjaftueshëm për përmbushjen e obligimeve ligjore që kanë karshi stafit, operatorëve ekonomikë, ekspertëve apo avokatëve.
Në mbledhjen mbajtur të hënën, Vuniqi tha se sfidat kryesore janë mungesa e pozitave të nevojshme, mungesa e buxhetit të kategoritë e pagave dhe mëditjeve, për mallra dhe shërbim dhe për investime kapitale.
Vuniqi sqaroi se në kërkesën buxhetore ndër të tjera parashihen që të shtohen edhe 39 pozita të reja për Prokuror të Shtetit.
“Në kërkesën buxhetore janë përfshirë tre objektiva strategjike sipas planit strategjik dhe kornizës afatmesme të shpenzimit të vitit 2027-29, forcimi i sundimit të ligjit, efikasiteti në luftimin e krimit, transparenca dhe qasja në drejtësi, secila nga objektivat strategjike përfshinë aktivitetin dhe treguesin sipas planit strategjik.. Nga këndvështrimi i buxhetit sfidat kryesore janë mungesa e pozitave të nevojshme, mungesa e buxhetit te kategoritë e pagave dhe mëditjeve, të buxhetit për kategorinë e mallrave dhe shërbimin si dhe mungesa e buxhetit për kategoritë e investimeve kapitale. Nevojat dhe pozitat shtesë për vitin 2026 anë kërkesa për 39 prokurorë të ri dhe 146 pozita për staf administrativ”, tha Vuniqi.
Ai tha se mosaprovimi i kërkesës buxhetore që sot po e miratojnë, do të nënkuptonte vështirësi të mëdha dhe mospërmbushje të obligimeve që kanë.
“Buxheti i aprovuar dhe numri i stafit në të gjitha kategoritë ekonomike për 2027 është 969 pozita, pagat dhe shestat mbi 40 milion e 598 mijë, mallrat dhe shërbimet mbi 3 milion e 694 mijë, shpenzimet komunale 299 mijë e 116 euro. Shpenzime tjera kapitale janë 2 milion e 534 mijë, subvencionet dhe transferet 14 mijë. Gjithsej buxheti i aprovuar për 2027 është 21 milion e 141 mijë e 298 euro..41:52 Rrjedhimisht raporti për buxhetin e aprovuar dhe të planifikuar të ketë ngritje me kërkesën buxhetore prej 11 milionë e 142 mijë euro. Nëse kërkesat buxhetore nuk aprovohen sipas këtij plani, vështirësitë që do të ketë Sistemi Prokurorial janë mungesa e stafit, numër i vogël i prokurorëve në raport me nevojat dhe kërkesat e gjykatave, mungesa për bashkëpunëtorë profesional, mungesa e zyrtarëve për ndërmjetësim, e mbrojtësve të viktimave”, tha ai.
KPK miratoi kërkesën buxhetore ku kryesuesi, Arian Gashi tha se kërkesa buxhetore i dërgohet Kuvendit të Kosovës, duke shtuar se këto kërkesa janë të domosdoshme për të përfunduar detyrat e përcaktuar me ligj.
“Nevojat e sistemit prokurorial janë evidente, nuk po kërkojmë luks, po kërkojmë diçka të arsyeshme që është e domosdoshme për kryerjen e detyrave tona, në mënyrë që të ofrojmë shërbimet që jemi të obliguar sipas ligjit.. Të njëjtat do adresohen shpejt dhe të gjejnë zgjidhje”, tha Gashi.
