Publicisti dhe shkrimtari, Bajram Kosumi, i cili së fundit ka publikuar librin “Enciklopedia imagjinare/postroman, ka thënë se më këtë libër është munduar të që të krijojë në një zhanër të ri, i cili do të zëvendësonte romanin, që sipas tij është në vitet e fundit të tij.
Ai ka thënë se edhe pse romani është një zhanër shumë i mirë letrar, dinamika e jetës ka bërë që rrezikon të përfundojë.
“Romani fatkeqësisht, është një zhanër shumë i mirë letrar por ka hy në vitet e fundit të jetës së vet për shkak të dinamikës tepër të madhe të jetës, për shkak të zhvillimeve të shpejta, gjithnjë e më pak ka lexues që ka kohë me lexu një roman 500 faqe e më shumë. E lexojnë një pjesë e madhe për detyrim, studentët dhe duhet ta lexojnë, një pjesë shumë e vogël për kënaqësi, janë studiuesit e letërsisë, por letërsia nuk ekziston për studiuesit, ekziston për audiencat. Romani është në përfundimin e vet dhe unë jam munduar që të krijojë një zhanër që do ta zëvendësonte romanin, sepse do të ishte humbje e madhe po të shuhej romani”, ka thënë Kosumi në emisionin “410” në Tëvë 1.
Kosumi i cili është edhe profesor universitar është autor edhe i disa librave të tjerë.
