Aktualisht gjendja në këtë kompani është e rënduar, ndërkohë disa nga qytetarët serbë në veri tw Mitrovicës të anketuar nga Tëvë1, shprehën të gatshëm që t’i paguajnë faturat e rrymës.
“Si pasojë e situatës së pazgjidhur në pjesën veriore të Kosovës si dhe e obligimeve të pashlyera të palëve të treta ndaj KOSTT, gjendja financiare e KOSTT është jashtëzakonisht e rënduar.
Obligimi financiar/borxhi i KOSTT ndaj interkoneksionit evropian për humbjet e shkaktuara në pjesën veriore të vendit vetëm për muajt janar dhe shkurt 2022 është rreth €13 milion”, thuhet në përgjigjen nga KOSTT.
Banorët e katër komunave në veri të Kosovës Leposaviq, Mitrovicë Veriore, Zubin Potok dhe Zveçan që pas përfundimit të luftës nuk kanë paguar faturat e shpenzuara të energjisë elektrike.
Për këtë, KOSTT ka kërkuar nga Zyra e Rregullatorit të Energjisë që urgjentisht të largojë nga Licenca për Operatorin e Sistemit të Transmetimit obligimin e mbulimit të humbjeve në katër komunat veriore të Kosovës ose të gjejë një mekanizëm tjetër të mbulimit e 13 milionë eurove.
Kronika e realizuar nga Doresa Geci
